Garbin, Radojica memorial,
Šikutska memoria za Garbina i Radojicu u petak 28.6.2024. u 8 ur zvečera
Prvi put pokle dvajsetipet lit ča ežište KUD Šikuti Machinae, činjena je večer za zafaliti nikemu kega da više ni, a su pomogli da nas je još volja delati čine.
Radojicu smo kumpanjali par dan prija izložbe na pulski cimitar, čovika bez kega lipi parat artišti ne bi činija to ča je, aš je njigov sitotisak puštija napro velik šenj.
Garbina artišta su kumpanjali moru rovinjsken, aš je cija svoj život stija da se zruše granice i fizičke i une druge.
In memori na Aleksandra Garbina i Radojicu Markovića u šikutskoj štali u petak dvajsetosmega u šesten misecu dvamiljaradvajsetčetrte u osan z večer izložen je dio njihovih artefakti, Vjeko arkiteta je snima skidanje izložbe u Pucići Dolenjih, činija je jedan bombon ud filma, kega smo prvi put vidili.
Uz mižo vina, domislili smo se i svih tih drugih ki su nan čuda činili, a drugo da he ni.
Njin fala, vami kuraja,